అసీఫా
//ఎనిమిదేళ్ల వయసు//
అమ్మా ..అమ్మా..
నన్నిక్కడ ఎందుకు కట్టేశిండ్రే!
ఈ తాడ్లు చేతులకి పుండ్లు జేస్తున్నయి.
విడిపించుకోడం కష్టమౌతుందే,
కదలడం కూడా నొప్పౌతుందే.
మూడు రోజులైందే అన్నం తిని,
ఆకలేస్తుందే , పాలవుతున్నయే .
ఓ అంకులేమో గట్టిగా కొరుకుతున్నడే,
ఇంకో అంకులేమో పట్టుకు గిల్లుతున్నడే.
ఉన్నట్టుండి బట్టలిప్పుకుంటున్నరు ఈళ్ళు,
మన దొడ్డిబర్రె తీరు చానా పెద్దగున్నరు.
మీద మీదెందుకు బడుతున్నరో గాని,
ఏడేడనో తోలు మంటపుడుతుందే.
బరువౌతుందని ఏడ్చినా , ఒర్లినా
గమ్మునుండమని గద్దాయిస్తున్నరే.
ఒంటికి ఏమైతుందో తెలీట్లేదే,
రక్తం ఎందుకొస్తుందో అర్ధంకాట్లే.
గుడిలో దేవుళ్ళుంటరు అన్నవ్ కదనే,
నాకీళ్ళు తప్ప ఎవ్వరు కనపడట్లే.
ఓపిక లేదే ,
కళ్ళు మూతబడుతున్నయి.
ఎండలో ఆడకన్నవ్ !
నేనే ఇనకుండా ఆటకొచ్చిన!
వడ దెబ్బ తగిల్నట్టుంది.
అయ్యో చీకటి .. చీకటి..
మస్త్ రాసిండ్రు అండి
ReplyDeleteఆ ఆడ బిడ్డ పడ్డ కష్టం
ని గుండెల్ల నింపి దానిని కలం లా
మార్చి ప్రాణం పెట్టి రాసినట్లు ఉంది 🙏🙏
Painful 😥
ReplyDelete